This Indian company is offering an incredible deal, slashing prices on not one or two, but a total of five phones! Get ready for a shopping frenzy!

Agar aap saste daam mein behtareen camera, display aur battery wala phone chahte hain toh yeh aapke liye sahi mauka ho sakta hai. Aisa isliye kyunki Bharatiya company Lava ne Amazon sale par milne wale phone offers ka elan kar diya hai.

Festive season ko dekhte hue har company koi na koi offer dene ki tayari kar chuki hai. Isi mein Bharatiya company Lava ne bhi sale ka elan kiya hai, jahan se grahak company ke popular smartphone series par khaas offers paa sakenge. Lava ki deal Amazon.in par online available karayi ja rahi hai aur iska faayda grahak September 2024 ke aakhir tak utha sakenge. Offer ke tahat grahakon ko bank card discount, exchange offer jaisi deals bhi di ja rahi hain. Aaiye jaante hain kaunse phones par kitne ka discount de rahi hai company…

Lava Blaze X 5G ko sale mein se 16,999 rupaye ke bajaye 14,999 rupaye mein list kiya gaya hai. Halanki khaas baat yeh hai ki ise effective price ke tahat 13,249 rupaye mein ghar laya ja sakta hai. Is phone ki khaasiyat ki baat karein toh ismein 120Hz curved AMOLED display milta hai, saath hi ismein photography ke liye 64MP AI Sony camera hai.

Lava Blaze Curve 5G ko offer ke tahat 20,999 rupaye ke bajaye 17,999 rupaye mein list kiya hai, aur saath hi effective offer ke tahat ise 16,999 rupaye mein kharida ja sakta hai. Is phone ki sabse khaas baat iska 50 megapixel AI triple camera hai.

Lava Storm 5G ko sale mein 14,999 rupaye ke bajaye 12,499 rupaye mein list kiya gaya hai, lekin effective price ke tahat grahak is phone ko 10,249 rupaye mein ghar la sakte hain. Is phone mein 120Hz FHD+ display diya jaata hai.

Lava Agni 2 5G ko offer ke tahat grahak 25,999 rupaye ke bajaye 16,999 rupaye mein kharid sakte hain. Effective price ke tahat ise 15,999 rupaye mein kharida ja sakta hai. Phone mein 120Hz curved AMOLED display diya jaata hai.

Lava O2 ko offer ke tahat 9,999 rupaye ke bajaye 7,999 rupaye mein kharida ja sakta hai. Iske alawa effective price ke tahat grahak is phone ko maatra 7,199 rupaye mein ghar la sakte hain. Bata dein ki in sabhi phones ke saath bank offers jude hue hain.